Davíð í gæsluvarðhald

Kæri lesandi,

Vegna atburða í efnahagsmálum íslensku þjóðarinnar sem hafa meðal
annars leitt af sér hrun bankakerfisins og krónunnar á síðari hluta
ársins 2008.

Til varnar íslensku samfélagi í baráttu sinni við Alþjóðabankann og
aðra aðila sem koma til með að nýta sér þær kringumstæður sem hafa
skapast, er algerlega nauðsynlegt að haldið sé til haga rétti okkar til
að kæra einstaklinga (og fyrirtæki) fyrir glæpsamlegt athæfi, jafnvel
landráð.

Það má líkja því sem gerst hefur við árás á þjóðina, tilraun til að
binda hana á skulda klafa um ókomin ár og / eða eignast helstu
verðmæti hennar. Til eru ótal dæmi um slíkt í öðrum löndum. Þjóðin
þarf að halda rétti sínum til að rifta samningum sem gerðir eru undir
þessum kringumstæðum.

Vert er að benda á að Björn Bjarnason hefur varað við árásum á þjóðina
þó hann hafi ekki en aðhafst í þessu máli. Það má ljóst vera að
viðvaranir Björns eru alls ekki tilefnislausar.

Einn sem kemur til greina að kæra fyrir framferði sitt er Davíð
Oddsson. Ekki endilega vegna þess að hann sé eitthvað sekari en aðrir,
heldur vegna þess að hann liggur svo vel við höggi.

Hvers vegna er Davíð ekki í gæsluvarðhaldi?
Mál Davíðs þarf að rannsaka og á meðan á hann ekki að ganga laus.
Réttast væri að setja hann í einangrun og sennilega nokkra aðra
vitorðsmenn, hverjir sem þeir kunna að vera. Við verðum að komast að
hinu sanna.

Hvað hefur hann gert af sér?
Hann vanrækti embættisskildu sína og hefur jafnvel misnotað aðstöðu sína.
Undir hans stjórn sinnti Seðlabankinn ekki eftirlits og aðhaldshlutverki
sínu. Ennfremur var vanrækt hlutverk Selabankans að hafa viðunandi
varasjóði. Þar á ofna þarf að skoða ástæður og atvik tengd þjóðnýtingu
bankanna, hávaxtastefnu, Jöklabréfum og annarri fyrirgreiðslu bankans.
Með aðgerðum og aðgerðaleysi hefur hann vegið að sjálfstæði og framtíð
þjóðarinnar.

En hvers vegna gerði hann það? Þrjár skýringar koma til greina.

1. Hann er svona heimskur, gerði þetta óvart af því hann vissi ekki
betur. Þessu er fljót svarað. Davíð er enginn auli. Það má fullvíst
telja að engum kæmi til hugar af afsaka hegðun hans með þeim hætti.
Þar á ofan hefur þetta varla nokkur tíman dugað sem málsvörn en hefur
sennilega orðið til mildunar refsingar í einhverjum tilfellum.

2. Hann gerði þetta fyrir frjálshyggjuna sem er næsti bær við "gerði
það fyrir Guð". Þó þetta sé falleg skýring og ætti vel við um t.d.
stjórnmálamann eða trúarleiðtoga þá hentar hún ekki embættismanni.
Skoða þarf hvort hann hafi haft umboð til að stjórnast af slíkum
viðhorfum eða hvort hann eigi heima í fangelsi fyrir framferðið.

3. Hann gerði þetta viljandi. Hann er að þjóna hagsmunum einhverra
aðila sem koma til með að nýta sér þær kringumstæður sem skapast.
Hvaða aðferðum þessir aðilar hafa beitt til að fá Davíð til verksins
kemur málinu ekki við.

----------------------

Hljómar þetta eitthvað ósennilega?
Kynntu þér hvað er að gerast í heiminum t.d. með aðstoð google.com og
video.google.com

Leitarorð:

Naomi Klein (og bókin hennar)
The Shock Doctrine

John Perkins (og bækur hans)
Confessions of an Economic Hit Man
The Secret History of the American Empire

Jonathan Chait
The Big Con: The True Story of How Washington Got Hoodwinked and
Hijacked by Crackpot Economics

Vandana Shiva ( kom til Íslands til að taka við Lennon
Ono-friðarverðlaunum 9. okt. 2008 ). Þvílík tilviljun. Hún hefði getað
sagt Íslendingum ýmislegt um Glóbaliseringu, Alþjóðabankann og Alþjóða
Gjaldeyrissjóðinn.
leitarorð: Vandana Shiva World Bank IMF WTO

ath. Niðurstöður leitar skila stundum vísun í bók ( til lestrar ) á
http://books.google.com/

----------------
Góð lýsing á ástandinu